बादलुको माथि माथि जूनको गाउँजस्तो,
कति सुन्दर, कति शान्त, घुम्न जाउँजस्तो ।
बारीभरि फूल अनि फूलमा पुतली,
पुतलीलाई फूलैफूलको माला लाउँजस्तो ।
पहाडी झर्ना र खोला कति मीठो संगीत,
प्राण घोलिएको गीत गाउँ गाउँजस्तो ।
सुनको घामसँगै झरी, झरीमा इन्द्रेणी,
मेरो कपाल लामो होस् भन्दै नुहाउँजस्तो ।
प्यारो घर, प्यारो गाउँ, प्यारा साथीभाइ,
टाढा गए पनि छिट्टै फर्कि आउँजस्तो ।
रचनाकाल : २०६४/११/०७, कीर्तिपुर
No comments:
Post a Comment